Samtea's Blog

Kan insawn

sammstla — Thu, 31 Mar 2011 14:53:46 +0000

Kan blog neihna kan sawn a. samtea.xtreemhost.com ah kan insawn tawh e.

Filed under: News

Website/blog thar

sammstla — Fri, 04 Mar 2011 12:27:31 +0000

Kan site thar www.samtea.0fees.net kha a chhiat avangin a dang www.samtea.xtreemhost.com siam a ni a. Site thar lamah hian kan in sawrbing dawn e.

Filed under: News

RUBBER PLANT SOCIETY HRUAITUTE

sammstla — Tue, 01 Mar 2011 05:40:11 +0000

Chairman : C.Lalramnghaka
Vice Chairman : PC.Vanlalnghaka
Secretary : Zonunthara Sailung
Lalbiakhluna
Treasurer : H.Vanlalhriata
Fin.Secy. : Lalrinthara Parte
Society a tel duh tan March Ni 6 thleng membership fee Rs.50 kengin rubber chin duh zat chiang taka thehluh nghal tur a ni.

Filed under: ENTU

G&SA HRIATTIRNA

sammstla — Mon, 28 Feb 2011 12:36:06 +0000

Khawbung G&SA in Local tournament a siam tur ah Naktuk zan hian Pu Lalmangchhuana te inah Tie Draw neih tur a ni a. Club te tan Entry Fee Football leh Volleyball ah Team pakhat tan Rs100/- zel a ni ang. Club pakhat atangin team pahnih tel awih a ni. Tin, YMA chhang te tan a pumpui atan Rs.50 a ni bawk ang. Tournament a tel tum te chu zan Dar 7 ah kim vek tur a ni. Mimal leh Club champion tan lawman tha tak tak siam a ni dawn bawk a. YMA chhang ah hian Kum 16 hnuailam chauh tel awih a ni.

Filed under: ENTU

BRANCH/SECTION

sammstla — Sun, 27 Feb 2011 17:19:39 +0000

Chhiatni fund khawn mek a ni a. Chhungtin te ngaipawimawh theuh turin kan in ngen a. A khawn tu te pawhin a rang lama khawn fel turin kan in ngen e. Tin, khawn laia pe remchanglo tan Pu F.Malsawmthanga hnenah pek theih reng a ni bawk e.
Dt.25^th Feb, 2011(Zirtawp) zan khan Khawbung Community Hall-ah Section hrang hrang te Lengkhawm zai intihsiakna neih a ni a. He intihsiak ah hian Pakhatna K-Section in Rs.2000/- la in section dang zawng ten Rs.1000/- theuh lawman ah an la bawk. Thlaleh a Sazep-a Group YMA Conference a intihsiakna atana inbuatsaih nana tih a ni.

K-SECTION

K Section YMA te Lengkhawm zai intihsiakna nei tura thahnem ngai taka member inpe a hla zir thin zawng zawngte chungah Section-in lawmthu a sawi takzet a ni.
Tin, Vawiin chawhnu inkhawm ban hian Pu T. Rothuama In, Saron Veng ah K-Section YMA chhang zawng zawngte kim taka kalkhawm tur a ni a. Section O.B. ten he hun hi ngaipawimawh theuh turin kan ngen e.

M – SECTION

Dt 28^th Feb, 2011(Thawhtan) zing kar ah M-Section member zawng zawng te Tuikhur hiahna tur lung lak hnatlang neih tur a ni a. Member ten ngai-pawimawh a hnatlang theuh turin kan in sawm in kan in ngen e.
Dt. 4^th March, 2011 (Zirtawp) hian Thing phurh hnatlang neih tur a ni a. Member zawng zawng te lo inring lawk turin kan inhriattir a. Chaw lian tawk tak fun tur a ni ang.

Filed under: ENTU

CHHIATNI DAN ENNAWN A NI

sammstla — Sun, 27 Feb 2011 16:19:11 +0000

Khawbung, the 28th Feb, 2011: Nimin khan Khawbung Branch YMA kaihhruaina in Khawbung-a NGO hrang hrang te leh Kohhran hrang hrang hruaitu te leh Val Upa te nen KC Auditorium ah Chhiatni a Dan kan hman mek chu ennawn a ni a. Siamthat ngai siamthat a nih bakah belh ngai te belh a ni bawk. He hun hi Pu F.Vanlalriana, Fin. Secretary (Br.YMA) kaihhruaina a neih a ni a. A hnuaia mi ang hian Dan hmanlai mek chu siamthat leh siam belh a ni:-
1. Ruang tlaivar pui tur chin: Chawhma Dar 10 hnulama thi te.
2. Tlaivar pui lova phum tur te: Chawhma dar 10 hmalam a thi te.
3. Mitthi vui hun: Lu men ngai ah chuan Vui hunserh Dar 11:00 AM a ni ang. Lu men ngai lovah chuan chhun Dar 12 ah hunserh hman tur a ni ang.
4. Khual khua a thi: Khual khua a thi, ruang lo la thleng tur chu ruang in khua a rawn thlen hunah a vui hun leh thlan laih hun tur ruahman a ni ang.
5. Ruang thlen hma: Khual khua a thi, ruang la thlenglo te chu ruang awm ang em a in sawngbawl loh nise.
6. In nghah chungchang: Mitthi chhungte, khual atanga ruang rawn nan tuma lo kal te chu a tul anga nghah theih an ni ang.
7. Kuang siam leh Kuang a indah: Kuang siam hi tufa te mawhphurhna ah kan ngai a. Tufa neih dan a zirin YMA in bengvar chhuah thin nise. Kuang siam zawh veleh ah in dah thin nise.
8. Khual koh theih chin: Khual koh theih chin leh in tirh dan ah Val Upa dan dinglai hi a la tha tawk kan ti. (Khawbung ram chin Mel 7 chhung, khual ral kai lo). Phone leh W/T hmang tur pawhin hmang tur pawhin Val Upa/YMA/VC te hriatpui loh chuan in tirh loh nise.
9. Vui hunserh: Kohhran tin ten vui hunserh hi ngai pawimawh ila, hei hian hun bik, inkhawmpui leh hun pawimawh bik huam lo se.
10. Ruang awm laia Dawr khar: Ruang ni ah ruang thlak hma chuan dawr hi khar thin nise.
11. Inkhawm laia khawhar in-a zai leh zai loh: Inkhawm lain khawhar inah zai loh hram nise. Inkhawm lai te khuang ri in a tihbuai lohna ah chuan inkhawm ban kim hma pawha lo zai hi pawilo ah kan ngai.
12. Hlamzuih : Thla thum chin kan tih hi ram pum hman dan a ni a. A la tha tawk ah kan ngai.
13. Khawhar in riah : Khawhar in riah reizawng hi tang then leh lenglai awm chuang lovin kar khat nise.
14. Thlan thut chungchang: Thlan thut hi thisen zawmpui te ah chauh thut nise, zai loh theih nise.
15. Thih cham hman chungchang: Thih cham hi awmni khama, thenrual te pun a Thihchamphaphak serh hi tihdan phungah hmanloh nise.
16. Sar thi: Mitthi pangai anga sawngbawl zel nise.
17. Buhfai leh thing khawn: Mitthi pual-a buhfai no 1 leh thing fak 2 kan khawn thin hi la khawn zel nise. Mitthi awmna veng hnai te chuan a hma thei anga khawn thin nise.
18. Mitthi dar vuak: Mitthi dar vuak ah chuan Kohhran hrang hrang te tihdan hi tha kan ti.
19. Ralna bawm chungchang: Ralna bawm dawh hi chhunzawm zel nise kan ti a. Bawm hi mumal taka dawh in tufa te enkawl turah kan ngai.
20. Ruang thlalak pui: Ruang thlalak pui hi senso hautak lo zawnga kalpuihram nise.
21. Thlan nghah ni: Thlan nghah ni hi a hautak lo zawnga kalpui hram hram nise.
22. Khual a kalpui tu te ei siamsak loh: Khual khua mitthi avanga kal zuitu te lo haw inlama ei lo siamsak hi chinloh nise.
23. Chhiat tawh a ei siam: Chhiat tawh avanga ei kan siam thin hi ruang thlak nil eh a tuk thlan nghah ni bak siamloh nise. A hautak lo thei ang bera siam ni bawk se.
24. Ei siam leh thingpui lum chungchang: (1) Ruang zuitu ei siam: Khual a thi ruang zuitu te ei siamsak hi chhunzawm zel nise. Dal leh sanghatin siamsak nise.
(2) Khual koh te chaw ei siam: Khaw thenawm khual koh te hi chaw ei siamsak leh tawh nise (Senso hi chhiatni fund atanga hman tur a ni).
(3) Ruang tlaivar zan thingpui: Ruang tlaivar pui zan hian thingpui thlum leh eitur tuihnai siam nise.(Zankhat atan Rs.2000/- aia tamlo nise).
(4) Chhiatni fund sum hmanga thingpui lum reng reng ah hian a thingpuisen vek nise kan ti.
25. Information a chhiat tawh au chungchang: Chhiat tawk(thi) kan awm in a rang thei ang bera au thin nise. Khawchhunga zualko kan intirh thin pawh intir tawh lovin Information hi rin tawh mai nise kan ti.
26. Khawbung PHC-a thi/boral te hi arang lamin Information-ah puan thin nise.
27. Kuang chunga pangpar dah chungchang: MHIP ten an lo ruahman angin kuang thlalakpui laiin MHIP pangpar chauh dah tur a ni ang.

NB: Heng kaihhruaina siam te hi mitthi dinhmun te, an thih hun te, kan hun tawng leh khawtlang boruak a zir in hruaitu (YMA, VC, Val Upa, MUP, MHIP, Chhiattawk awmna Kohhran) ten tul leh tha an tih angin an ti danglam in an siamrem thei ang.

Filed under: ENTU

Keimahni

sammstla — Sun, 27 Feb 2011 12:02:29 +0000

Power Supply kan neih thatloh avangin blog kan update theilo a. Min lo hrethiam hram hram dawn nia.

Filed under: News

Kan insawn dawn

sammstla — Sat, 19 Feb 2011 16:48:04 +0000

Website thar kan neih tak avangin http://www.samtea.0fees.net lamah kan insawn tawh dawn e.

Filed under: News

Website thar

sammstla — Mon, 14 Feb 2011 20:40:59 +0000

Ka website thar www.samtea.0fees.net chu peihfel a ni ta a. A duh tan en theih in a awm ta e.

Filed under: News

MUP HRIATTIRNA

sammstla — Mon, 14 Feb 2011 14:43:03 +0000

Mizoram Upa Pawl Khawbung Area Conference, Khawbung-ah neih tur a ni a. Member zawng zawng te kal theuh turin kan insawm e. Lengkhawm zai intihsiak tur a ni ang.
A hmun:Khawbung Community Hall
A hun t.24th Feb.2011 (Ningani)
Dar 10:00AM
Tlai lamah ruai kilho a ni bawk ang.

Secretary
MUP Khawbung Area

Filed under: ENTU